Asseblief, dis twintig jaar ná apartheid. Wil ons regering nie eerder self verantwoordelikheid neem van gebeure in Suid-Afrika nie? Ek verstaan dat werkers na 50 jaar diens op straat sit. Liewe regering, geen instansie, die staatsdiens ingesluit, gee eiendom weg vir werkers wat lank by hulle werk nie. Dit sou selfmoord wees en werkskepping en die toekoms van die onderneming vernietig.
Wil ons regering nie eerder skemas subsidieer waar boere kan bydra tot ’n behuisingskema in die goedkoper woonbuurte van die naaste dorp nie?
Dís dan ’n soort aftreeoord of plaaswerkersbuurt.
Werkers kan dan dáár ook huise koop en gesubsidieer word deur die staat en die boer. Wil ons regering nie eerder ’n mediese skema vir plaaswerkers subsidieer waartoe boere kan bydra en belastingverligting kry nie?
Dít maak tog meer sin en sal ons winkelrakke vol hou en werk bly skep.