Publications
Partners
Die berig “Erg ‘onbybelse’ Noag” (6 April) het betrekking. Die charismatiese “His People-kerk” wat die rolprent Noah kritiseer word aangehaal: “…mense moet aangemoedig word om nie die fliek te gaan kyk nie ‘sodat rolprente soos dié nie geld maak nie’ ”!
My vraag is: Hoekom ’n charismatiese kerk stig wanneer soveel kerke reeds bestaan? Maak dit nie dié kerk skuldig aan presies dit waarvoor hulle vinger wys na fliekmakers nie?
Paulus veroordeel skeuring onder Christene wat nuwe kerke stig in die sterkste taal moontlik met dié vraag: “Is Christus dan in stukke verdeel?” (1 Korinthiërs l:ll-l3). Ook, in Galasiërs 5:l3-l5 veroordeel hy skeuring onder Christene dat hulle mekaar “byt en verskeur” en stuur hy diesulkes hél toe in vers 20!
Let op sy woorde waar hy “skeuring” klassifiseer onder “sondige natuur” en dan só waarsku: “Wie hom aan sulke dinge skuldig maak, sal nie die koninkryk van God as erfenis kry nie.”
En oor die bewering dat “as ’n mens meer oor Noag wil weet, moet jy liewer die Bybel lees”, wil ek uitwys dat die Bybel se Noag-verhaal ’n plagiatiese weergawe is van die Babiloniese verhaal, die Gilgamesj-episode, wat ten minste duisend jaar ouer is as die Bybel s’n.
Dus, lees liewer die oorspronklike verhaal! Dis beskikbaar op oi.uchicago.edu.
My vraag is: Hoekom ’n charismatiese kerk stig wanneer soveel kerke reeds bestaan? Maak dit nie dié kerk skuldig aan presies dit waarvoor hulle vinger wys na fliekmakers nie?
Paulus veroordeel skeuring onder Christene wat nuwe kerke stig in die sterkste taal moontlik met dié vraag: “Is Christus dan in stukke verdeel?” (1 Korinthiërs l:ll-l3). Ook, in Galasiërs 5:l3-l5 veroordeel hy skeuring onder Christene dat hulle mekaar “byt en verskeur” en stuur hy diesulkes hél toe in vers 20!
Let op sy woorde waar hy “skeuring” klassifiseer onder “sondige natuur” en dan só waarsku: “Wie hom aan sulke dinge skuldig maak, sal nie die koninkryk van God as erfenis kry nie.”
En oor die bewering dat “as ’n mens meer oor Noag wil weet, moet jy liewer die Bybel lees”, wil ek uitwys dat die Bybel se Noag-verhaal ’n plagiatiese weergawe is van die Babiloniese verhaal, die Gilgamesj-episode, wat ten minste duisend jaar ouer is as die Bybel s’n.
Dus, lees liewer die oorspronklike verhaal! Dis beskikbaar op oi.uchicago.edu.
