Publications
Partners
Beijing. – Twee mans wie se name op die passasierslys van die vermiste Vlug MH370 verskyn, was nooit op die vliegtuig nie, maar vliegkaartjies is in hul name uitgereik en gebruik.
Die Oostenryker en Italianer se paspoorte is in die afgelope twee jaar in Thailand as gesteel aangemeld. Hul ambassades het bevestig hulle is veilig tuis.
Aangrypende tonele het hulle Saterdag op die Beijing-lughawe afgespeel waar families van passasiers angstig gewag het op nuus oor die Boeing 777-200ER van Malaysia Airlines.
Vlug MH370 het Vrydag om 20:41 (Suid-Afrikaanse tyd) van Kuala Lumpur in Maleisië opgestyg en sou agt uur later in Beijing, China, land.
Dit het twee uur ná die opstyging oor die Suid-Chinese See van die Subang-lugbeheertoring in Maleisië se radarskerms verdwyn.
Die vermoede bestaan dat dit met 227 passasiers en 12 bemanningslede aan boord in die see naby die Viëtnamese kus neergestort het.
Voor dit het die bemanning nog geen kontak met Chinese lugbeheer gemaak nie, klaarblyklik omdat die vliegtuig nog gevlieg het in ’n gebied wat onder Viëtnamese lugverkeer val. Teen gistermiddag (Suid-Afrikaanse tyd) het die lugdiens met die hulp van soek- en reddingspanne van Maleisië en Viëtnam steeds gesukkel om die presiese ligging van die vliegtuig te bepaal.
“Ons het geen idee waar die vliegtuig tans is nie,” het Fuad Sharuji, adjunkpresident van die Maleisiese lugdiens se operasiebeheer, gesê.
Vlieëniers van die Viëtnamese lugmag het wel twee oliestortings opgemerk wat soortgelyk is aan die storting van brandstof van vliegtuie wat neerstort. Die stortings van tussen 10 en 15 km lank elk is by die suidelike punt van Viëtnam.
Die Maleisiese lugdiens het gister ’n span professionele beraders na Beijing gestuur om die families van passasiers by te staan.
Volgens ’n lys wat deur die lugdiens uitgereik is, was daar passasiers van 14 verskillende nasionaliteite aan boord.
Die bemanning is almal Maleisiërs.
Volgens dié lys was geen van die passasiers Suid-Afrikaners nie.
- Julian Jansen, Reuters, CNN, The Guardian
Die Oostenryker en Italianer se paspoorte is in die afgelope twee jaar in Thailand as gesteel aangemeld. Hul ambassades het bevestig hulle is veilig tuis.
Aangrypende tonele het hulle Saterdag op die Beijing-lughawe afgespeel waar families van passasiers angstig gewag het op nuus oor die Boeing 777-200ER van Malaysia Airlines.
Vlug MH370 het Vrydag om 20:41 (Suid-Afrikaanse tyd) van Kuala Lumpur in Maleisië opgestyg en sou agt uur later in Beijing, China, land.
Dit het twee uur ná die opstyging oor die Suid-Chinese See van die Subang-lugbeheertoring in Maleisië se radarskerms verdwyn.
Die vermoede bestaan dat dit met 227 passasiers en 12 bemanningslede aan boord in die see naby die Viëtnamese kus neergestort het.
Voor dit het die bemanning nog geen kontak met Chinese lugbeheer gemaak nie, klaarblyklik omdat die vliegtuig nog gevlieg het in ’n gebied wat onder Viëtnamese lugverkeer val. Teen gistermiddag (Suid-Afrikaanse tyd) het die lugdiens met die hulp van soek- en reddingspanne van Maleisië en Viëtnam steeds gesukkel om die presiese ligging van die vliegtuig te bepaal.
“Ons het geen idee waar die vliegtuig tans is nie,” het Fuad Sharuji, adjunkpresident van die Maleisiese lugdiens se operasiebeheer, gesê.
Vlieëniers van die Viëtnamese lugmag het wel twee oliestortings opgemerk wat soortgelyk is aan die storting van brandstof van vliegtuie wat neerstort. Die stortings van tussen 10 en 15 km lank elk is by die suidelike punt van Viëtnam.
Die Maleisiese lugdiens het gister ’n span professionele beraders na Beijing gestuur om die families van passasiers by te staan.
Volgens ’n lys wat deur die lugdiens uitgereik is, was daar passasiers van 14 verskillende nasionaliteite aan boord.
Die bemanning is almal Maleisiërs.
Volgens dié lys was geen van die passasiers Suid-Afrikaners nie.
- Julian Jansen, Reuters, CNN, The Guardian
