Publications
Partners
Die uitvoerende hoof van ExxonMobil, die grootste produseerder van natuurlike gas in die VSA, gee nuwe betekenis aan die uitdrukking “nie in my agterplaas nie”. (Die Engelse het selfs ’n akroniem daarvoor: NIMBY, oftewel “Not in my backyard”.)
Die Amerikaanse energiereus ExxonMobil ontgin skaliegas en olie op reuse-skaal.
Maar nou het Rex Tillerson, die maatskappy se baas, ’n stokkie gesteek voor hidrobreking-aktiwiteite (fracking) wat net ’n bietjie te naby gekom het aan sy perdeplaas in Texas. Die plaas is in Bartonville, ’n voorstad van Dallas. Bartonville het sowat 1?600 inwoners. Texas het van die grootste olie- en gasvelde in die VSA.
Die webblad RT.com berig Tillerson het saam met sy bure ’n regsgeding begin teen Cross Timbers, ’n watervoorsieningsmaatskappy wat ’n reuse-watertoring in die gebied wil oprig.
Dié toring van 15 verdiepings is op die grens van Tillerson se perdeplaas, Bar RR Ranches LLC.
Dis ook digby sy spogwoning.
Die toring hou verband met hidrobreking, waarvoor baie water nodig is.
Volgens die eisers sal bouwerk ongewenste geraas en verkeer veroorsaak én die waarde van hul eiendom erg laat daal.
Tillerson se prokureur sê die afname in die waarde van sy kliënt se eiendom van nagenoeg R54?miljoen is sy grootste beswaar.
Tillerson verdien ’n jaarlikse inkomste van nagenoeg R400 miljoen.
Volgens die aanlyn-koerant ThinkProgress is daar rede om te glo dat ExxonMobil se olie- en gasontwikkelingsprojekte eerder menslike gesondheid en die omgewing benadeel as om eiendomspryse te knou.
Die maatskappy het ’n jaar gelede sowat 7 000 vate teersand-olie in Mayflower, Arkansas, gestort. Inwoners sukkel sedertdien met duiseligheid, hoofpyn en naarheid.
Baie het noodgedwone uit die gebied getrek.
ExxonMobil het aan The Wall Street Journal gesê die maatskappy het “geen betrokkenheid” by Tillerson se regsgeding nie.
Die Amerikaanse energiereus ExxonMobil ontgin skaliegas en olie op reuse-skaal.
Maar nou het Rex Tillerson, die maatskappy se baas, ’n stokkie gesteek voor hidrobreking-aktiwiteite (fracking) wat net ’n bietjie te naby gekom het aan sy perdeplaas in Texas. Die plaas is in Bartonville, ’n voorstad van Dallas. Bartonville het sowat 1?600 inwoners. Texas het van die grootste olie- en gasvelde in die VSA.
Die webblad RT.com berig Tillerson het saam met sy bure ’n regsgeding begin teen Cross Timbers, ’n watervoorsieningsmaatskappy wat ’n reuse-watertoring in die gebied wil oprig.
Dié toring van 15 verdiepings is op die grens van Tillerson se perdeplaas, Bar RR Ranches LLC.
Dis ook digby sy spogwoning.
Die toring hou verband met hidrobreking, waarvoor baie water nodig is.
Volgens die eisers sal bouwerk ongewenste geraas en verkeer veroorsaak én die waarde van hul eiendom erg laat daal.
Tillerson se prokureur sê die afname in die waarde van sy kliënt se eiendom van nagenoeg R54?miljoen is sy grootste beswaar.
Tillerson verdien ’n jaarlikse inkomste van nagenoeg R400 miljoen.
Volgens die aanlyn-koerant ThinkProgress is daar rede om te glo dat ExxonMobil se olie- en gasontwikkelingsprojekte eerder menslike gesondheid en die omgewing benadeel as om eiendomspryse te knou.
Die maatskappy het ’n jaar gelede sowat 7 000 vate teersand-olie in Mayflower, Arkansas, gestort. Inwoners sukkel sedertdien met duiseligheid, hoofpyn en naarheid.
Baie het noodgedwone uit die gebied getrek.
ExxonMobil het aan The Wall Street Journal gesê die maatskappy het “geen betrokkenheid” by Tillerson se regsgeding nie.
