Johannesburg. - Dit was ’n moeilike jaar en beleggers kan nóg struikelblokke in die
volgende jaar verwag, maar Gijima se direksie is
tevrede met sy prestasie in die jaar tot einde Junie.
Dít was mnr. Jonas Bogoshi, uitvoerende hoof van dié IKT-groep, se
boodskap gister met die bekendmaking van die jaarresultate.
Die groep se omset is laer, maar sy wins is 40% hoër as in die ooreenstemmende tydperk
verlede jaar.
Een van die faktore wat sy verdienste negatief geraak het, is ’n
kontrak ter waarde van R3,9 miljard met die departement van binnelandse sake
waaroor daar ’n dispuut is.
Die departement weier om R237 miljoen – die laaste paaiement van
die kontrak – te betaal.
Volgens Bogoshi het Gijima ’n
konserwatiewe benadering gevolg en die inkomste nie erken nie, maar as inkomste
betaalbaar aangeteken. Dit het sy bedryfskapitaal negatief geraak en kontant uit
bedrywighede is byna 77% laer.
“Die dispuut hou verband met die bedrag wat die tesourie goedgekeur
het om vir die projek te betaal. Ons het ’n idee van wat hulle wil hê en ons het
’n aanbod aan hulle gedoen, maar hulle moet nog hierop reageer,” het Bogoshi
gesê.
Indien die dispuut nie in Gijima se
guns beslis word nie, sal hy die saak in die hof beveg. “Ons het regsadvies van
twee bronne ingewin wat albei bevestig het die kontrak is wettig en
opdwingbaar,” sê hy.
Dié kontrak het sy dienste-afdeling – die gebied wat hy
geïdentifiseer het vir groei-potensiaal – se prestasie die meeste benadeel.
Die omset vir dienste het met 2,5% afgeneem, maar dit kon erger
gewees het was dit nie vir die ommeswaai in die mynboubedryf waar hy tegniese
oplossings verskaf nie. “In die mynbou-afdeling het sy omset met 20% gegroei.”
Van sy mynbou-kliënte sluit in BHP Billiton, Exxaro en De Beers.
Hy is realisties oor die komende jaar en meen dit gaan nie sonder
duwweltjies wees nie. “Ons verwag groei van tussen 0% en 4% vir die bedryf
.”
’n Gebied waarvan hy wel meer in die Suid-Afrikaanse omgewing wil
sien, is wolkverwerking. Dit is waar verwerking en berging op die internet
plaasvind en die gebruiker se persoonlike rekenaar slegs data stuur en ontvang.
“Ons het ’n agterstand in Suid-Afrika, maar dit is ’n groot groeigebied vir
maatskappye soos IBM,” sê hy.
Rand - Dollar
19.03
+0.9%
Rand - Pound
23.78
+0.7%
Rand - Euro
20.40
+0.8%
Rand - Aus dollar
12.38
+0.8%
Rand - Yen
0.12
+1.1%
Platinum
920.20
+0.9%
Palladium
985.50
-1.9%
Gold
2,332.89
+0.7%
Silver
27.34
+0.6%
Brent-ruolie
88.02
-0.5%
Top 40
68,437
-0.2%
All Share
74,329
-0.3%
Resource 10
62,119
+2.8%
Industrial 25
102,531
-1.4%
Financial 15
15,802
-0.2%
All JSE data delayed by at least 15 minutes