Laer brandstofpryse en gevolglik laer brandstofheffing wat onlangs ingestel is, het daartoe gelei dat die Suid-Afrikaanse Lugdiens (SAL) sy kaartjiepryse kan verlaag.
Vlugte tussen Johannesburg en ’n aantal bestemmings in Afrika sal gemiddeld $15 per segment (sowat R249 per retoervlug) goedkoper wees en langafstand-retoervlugte gemiddeld $7 goedkoper per segment (sowat R116 per retoervlug).
Binnelandse retoervlugte sal $5 per segment (sowat R83 per retoervlug) goedkoper wees.
