Johannesburg. - Barend la Grange, wat gister rooi kruise oor die
gewraakte skildery van pres. Jacob Zuma geverf het, en Lowie Mabokela
verskyn vandag in die landdroshof in Johannesburg nadat hulle gister ’n
skildery deur die kunstenaar Brett Murray in die Goodman-galery in
Rosebank met verf getakel en gevandaliseer het.
Hulle word van opsetlike saakbeskadiging aangekla.
’n Derde man, George Moyo, is later in hegtenis geneem toe hy met ’n spuitkannetjie ’n muur buite die galery beverf het.
Hy het na verneem word die woord
respect op die muur probeer spuit.
Sapa
berig Moyo is Woensdag borgtog van R1 000 in die Hillbrow-landdroshof
toegestaan en moet weer op 14 Junie in die hof verskyn. Hy is ook van
opsetlike saakbeskadiging aangekla.
Beeld
