.
.
DIE gewilde Fonteine Park Apteek in Da Gamaweg, Jeffreysbaai vier vandeesmaand hul 25ste verjaardag - meer as twee dekades van sukses in moeilke ekonomiese omstandighede.
Dié familie-georienteerde apteek, wat oor dekades nie van eienaar of perseel verander het nie, is in 1993 deur die Du Preez-familie gestig: apteker Willem du Preez en sy ouers, Thinus du Preez en Annette Crous.
Die begin
Konstruksie van die gebou het in Junie 1993 by hul perseel (Da Gamaweg 115) begin. Twee maande later het Fonteine Park Apteek sy deure amptelik op 2 Augustus 1993 met slegs drie personeellede geopen: Willem du Preez (apteker en bestuurder), Matty Nolte en Samantha Smith (Du Plessis) van wie laasgenoemde steeds by die apteek werksaam is.
Die kompleks is deur Christo Vosloo van Sevos Argitektuur ontwerp, terwyl die bou-werk deur NJO du Plessis bouers gedoen en die binne-ontwerp die werk van Shelvit was. Thinus het baie van die voorbereidingswerk en finale bouwerk self behartig het.
Dr. Jack Finestone, ’n bekende pediater van Port Elizabeth, en plaaslike oogkundige Sandra Coetzer het op dieselfde tyd in die kompleks begin praktiseer. Later het die tandarts Danie Steyn ook ingetrek en is deur dr Johan Smit opgevolg.
Fonteine Park Apteek
Tans spog die apteek met agt personeellede: Willem du Preez, Elma du Preez, Leandré van Kampen, Alouise du Preez, Samantha du Plessis, Minette Bond, Chantal Rademeyer en Marietta Ferreira.
Die huidige huurders sluit in dr. Jack Finestone (pediater), Dappie Prinsloo (tandarts) en Wink Skoonheidsalon.
- Wi“Dit gaan alles oor persoonlike diens en genade van Bo,” sê hy.
“Dit is ons strewe om persoonlike en individuele aandag aan al ons klante te gee. Ons streef verder daarna om hulle van die beste raad te bedien en met die mees koste-effektiewe produkte te voorsien.”
Fonteine Park Apteek is aan die meerderheid mediese fondse gekoppel en bied ’n groot verskeidenheid skoonheids- en grimeerprodukte aan.
