VERLEDE jaar het Netwerk24 in samewerking met Die Burger, Beeld en Volksblad asook Cum Laude Media die grootste nasionale aanlyn-wiskundekompetisie in Afrikaans vir hoërskoolleerlinge geloods.
Na vele versoeke is daar besluit om die kompetisie ook vir laerskole te hou. Die goeie nuus is dat daar geen inskrywingsfooi gevra word nie!
Laerskole word aangemoedig om hul gr. 6- en gr. 7-leerlinge, en hoërskole hul gr. 10-, gr. 11- en gr. 12-syferslimleerlinge in te skryf, waartydens leerlinge en skole met baie wengeld kan wegstap! Die vraestelle is slegs in Afrikaans.
Hoe werk dit?
Registreer op www.cumlaudemedia.com. Vir die laerskoolkompetisie, klik op die laerskoolblokkie en op die hoërskoolblokkie vir die hoërskoolkompetisie.
Leerlinge kan self aanlyn registreer of onderwysers kan hulle registreer, voor of op Woensdag 1 Mei.
Registrasie sluit om middernag op dié dag.
Indien die registrasie suksesvol was, sal elke leerling bevestigende e-pos met inligting oor die wiskundekompetisie ontvang.
Onderwysers sal voor die uitdunronde e-pos ontvang van leerlinge wat geregistreer het.
Die uitdunronde vind plaas op Vrydag 3 Mei om 14:00 (laerskool) en Vrydag 10 Mei om 14:30 (hoërskool). Die skakel na die vraestel sal dan aktief wees.
- L
Elke finalis, wat die eindronde bywoon, ontvang R1 000 as aanmoedigingsprys.
Hoërskoolkompetisie
- Eerste plek: R20 000 (met R20 000 vir die skool)
- Tweede plek: R15 000 (met R15 000 vir die skool)
- Derde plek: R10 000 (met R10 000 vir die skool)
Laerskoolkompetisie
- Eerste plek: R15 000 (met R15 000 vir die skool)
- Tweede plek: R10 000 (met R10 000 vir die skool)
- Derde plek: R5 000 (met R5 000 vir die skool)
Vir meer inligting, stuur e-pos na wiskunde@cumlaudemedia.com of besoek www.cumlaudemedia.com.