HTS Daniel Pienaar se 2018-matriekklas het weereens gewys wat in hulle steek en spog met ‘n gemiddelde slaagsyfer van 96.3% in die finale matriekeksamen.
Die Tiere se skoolhoof, Sampie Marais, berig dat die skool baie trots is op hierdie jaargroep se uitslae aangesien dit in ag geneem moet word dat alle DP-leerlinge Wiskunde en Fisiese Wetenskap moet neem.
“Tegniese skole se kurrikulum sluit nie die makliker opsie, naamlik Wiskunde Geletterdheid, in nie,” het Sampie Marais, skoolhoof van Daniel Pienaar gesê.
“Die Tiere is ook baie trots op hul vorige hoof-seun, Justin Lightfoot se gemiddelde A en twee ander leerders wat met meer as 79% spog en in alle waarskynlikheid, na afloop van die herna-siensessie, ook met A-gemiddeldes sal spog,” het Marais gesê.
“Dit is ook verblydend dat 4 van die 5 druipe-linge die hereksamen mag skryf.
“Die ander kandidaat het ongelukkig verkies om nie in 2018 die finale eksamen af te lê nie.
“Daniel Pienaar bedank die gemeenskap vir hul ondersteuning van sy matrikulante. Die skool glo dat hierdie Tiere ‘Volkome Toegerus’ is om hul plek in die samelewing vol te staan.”