Vinnige feite: Addo olifante verskuiwing na Darlingtondam

Addo-olifant Nasionale Park het verlede week oor 3 dae 28 olifante vanuit die hoofgedeelte van die Addo park verskuif na die Darlingtondam-gedeelte van die park. Hier is ’n paar vinnige feite oor die verskuiwing:

. Dinsdag (31 Julie) is 13 olifante per trok vanaf Addo oor die Olifantkoppas na Darlingtondam vervoer. Afstand: 130km.

. Die totale gewig van die 13 olifante was sowat 30 ton.

. Woensdag (1 Augustus) is 9 olifante verskuif en Donderdag (2 Augustus) 6 olifante.

. Olifante is vanuit ’n helikopter met verdoofpyle geskiet. Sodra die verdowing ’n olifant laat inmekaar sak was grondspanne dadelik by. Die olifante word dan op hulle sye gedraai en hulle oë word toegemaak. Daarna is hulle versigtig met ’n hyskraan op ’n platbed gelaai en dan met ’n voerband getrek tot binne ’n staalkrat op die swaarvragmotor waarmee hulle na Darlingtondam gedeelte van die park vervoer is.

. ’n Volwasse Addo-olifant weeg tussen 3.5 en 7 ton.

. Olifante se gemiddelde leeftyd is 55-60 jaar en koeie leef langer as bulle.

. ’n Olifantkoei is vir 22 maande dragtig en ’n kalfie weeg gemiddeld 110kg by geboorte.

. Addo hoofkamp is 180 000 hektaar groot en Darlingtondam-gedeelte van die Addo-park is 45 000 hektaar.

. Addo-olifantpark is in 1931 geproklameer as ’n park waar slegs 11 oorblywende olifante beskerm is. Vandag is daar meer as 600 olifante in die park - die grootste populasie Afrika-olifante (Loxodonta Africana) in die wêreld.

. Addo-olifantpark Nasionale Park is die 3de grootste en mees diverse (bioomstreke) park in Suid-Afrika.