.
.
Vinicius Jr was Woensdagaand op sy briljante beste toe hy Real Madrid gehelp het om ’n sesde Kampioeneliga-eindstryd in tien jaar te haal.
Die Spaanse spogklub het in ’n verstommende terugvegpoging met 2-1 met Bayern München afgereken.
Tog sê die Brasiliaanse doelskieter, wat soms byna onkeerbaar was, dat die resep vir Real Madrid se sukses in groot oomblikke hul onbaatsugtige toewyding en kollektiewe opoffering is wat, tesame met die Bernabeu-stadion se elektriese atmosfeer, ’n onstuitbare kombinasie vorm.
