News24

Soektog na polisievrou se moordenaars geloods

2012-04-02 19:02 Johannesburg – ‘n Soektog is van stapel gestuur na die skieters wat ‘n polisievrou van Port Elizabeth doodgeskiet en haar kollega beseer het, het die polisie in die Oos-Kaap Maandag gesê.

“Ons sal geen steen ongeroer laat in ons ondersoek tot die oortreders vasgetrek word nie,” het lt. genl. Celiwe Binta, provinsiale polisiekommissaris, in ‘n verklaring gesê.

Die 31-jarige vroulike konstabel en konst. Mongezi Mqina (36) was op patrollie in die Veeplaas-gebied toe daar op hulle geskiet is.

Die polisievrou – wie se naam nog nie bekend gemaak is nie – het op die toneel gesterf. Sy word oorleef deur haar man en drie kinders. Mqina is in ‘n kritieke maar stabiele toestand in die Greenacres-hospitaal.

Teen laatmiddag was niemand nog in hegtenis geneem nie.

- Volg Nuus24 op

Twitter