12 Feb 2018

Angisoze ngaphuza emsebenzini, kusho umqeqeshi

Johannesburg - Limfiliba ikusasa likamqeqeshi weBaroka FC, uKgoloko Thobejane, kulandela ukumiswa emsebenzini ngesonto eledlule ngezinsolo zokuphuza utshwala nabadlali kanye namanye amalungu ethimba labaqeqeshi.

Lesi sigameko kusolakala ukuthi senzeka ebhasini lekilabhu sebebuyela ekhaya ePolokwane kulandela umdlalo abahlulwa kuwo ngo-2-0 yiFree State Stars kowe-Absa Premiership, eGoble Park, emasontweni amabili edlule.

ISunSport ipotshozelwe ukuthi abanye abamisiwe kulendela lezi zinsolo ngunozinti wekilabhu u-Oscarine Masuluke nokaputeni u-Olaleng Shaku, kanye neKit Manager uDelbert Lekoana nesekela likamlolongi wonozinti uTshegofatso Machene.

OLUNYE UDABA: IBaroka FC imise umqeqeshi

Yize uThobejane ekuqinisekisile ukumiswa kwakhe, uphikile ukuthi waphuza utshwala esemsebenzini. "Yebo, ngimisiwe emsebenzini futhi angazi ukuthi yini imbangela yalokho," esho.

"Ngizwile nje ukuthi kuthiwa sasiphuza, kepha lokho kakusilo iqiniso. Umsebenzi wami ngiyawuhlonipha ngakho angisoze ngawuxuba notshwala."

UThobejane uveze ukuthi abaphathi bakhe yibo abasaziyo isizathu sokumiswa kwakhe.

"Abantu abangakutshela into eqondile mayelana nokumiswa kwami ngabaphathi bami. Angazi nokuthi icala lami lizolalelwa nini. Nami ngisalinde ukutshelwa yibo abaphathi bami."

Uqinisekisile ukuthi uzobe engekho ebhentshini uma iBaroka isithathana nePlatinum Stars koweNedbank Cup Last 32 eRoyal Bafokeng Stadium ngoLwesithathu.

Isikhulu esiphezulu sale kilabhu, uMorgan Mammila, asitholakalanga ukuphawula.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()