Cape Town - Kusinde amadoda amabili adutshulwe ngentululwane yezinhlamvu ngabasolwa abangu-10 abebegqoke izivatho zamaSulumane, emzini oseDelft, eKapa.
Umthombo wamaphoyisa okhulume nabezindaba iNews24 uthe amadoda amathathu abehamba ngamaveni amathathu ezimboze ubuso afike apaka ngaphandle komuzi okuVierlelie Crescent ngezithuba zabo-22:10.
OLUNYE UDABA: Ibhekene namathathu evulele ngenganono esontweni
Kusolakala ukuthi abasolwa babize la madoda amabili ngamagama kwathi uma ephuma esangweni kwaqhuma isibhamu.
Ngokuhamba kwesikhathi kube sekutholakala amagobolondo ezinhlamvu angu-12 endaweni yesigameko, kusho amaphoyisa.
Okhulumela amaphoyisa uSergeant Noloyiso Rwexana uthe la madoda athole amanxeba amaningi okudutshulwa. Asinde ngokulambisa kulesi sigameko.
URwexana uthe akukaboshwa muntu okwamanje.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter