BUKA: Ababhikishi bahlasele izitolo zakwa-H&M

eGoli - Iqulu labantu abebebhikisha begqoke imifaniswano ye-EFF bahlasele izitolo zakwaH&M.

Laba babhikishi baqonde kulezi zitolo ezinxanxatheleni eziseSandton, Menlyn Park nase-East Rand ngoMgqibelo ekuseni.

Laba bafike basaphaza konke okuphakathi kulezi zitolo, bekhala ngokuthi lesi sitolo sicwasa abantu abansundu.

OLUNYE UDABA:Sisobishini isitolo sakwa-H&M

Lesi sitolo sezimpahla zokugqoka zabesilisa, abesifazane nezingane, iH&M kubikwa ukuthi ngeke isayidayisa impahla yayo enokucwasa, kuleli.

Isikhangiso esisabalale kwi-internet esitshengisa ingane yomuntu omnyama igqoke isikibha esinombhalo ofundeka kanje "Coolest Monkey in the Jungle" yikho okususe lo msindo.

Lesi sikhangiso sibonakala sengathi sivela emahhovisini esitolo esise-Europe, njengoba imali yesikibha ibhalwe ngoPondo.

Sekube nezicelo zokuba kudutshwe le nkampani.

Kwenziwe nje ezitolo zakwaH&M namuhla lapho abantu bebebhikisha khona emadolobheni ahlukahlukene ngemuva kwesithombe esingesihle esibonisa umfana egqoke ijezi elinombhalo ocwasayo @IzindabaNews24 pic.twitter.com/gv6qjQw1GH

— Nkuli Nhlapo (@NduNhlapo) January 13, 2018

AVOID H&M STORE. MENLYN. PTA. GP. pic.twitter.com/csV1ImuONE

— REZA (@crimeairnetwork) January 13, 2018