09 Sep 2017

BUKA: Kushiswe izimoto ezebiwe eMlazi kuvaleliswa isigebengu uChillies

Durban - Kuthiwa ngoLwesihlanu kwebiwe indaba yezimoto ezindaweni ezahlukene eThekwini zayoshiswa elokishini laseMlazi.

Lokhu kulandela imibiko eyayikhishwa ezinkundleni zokuxhumana okuthiwa yenziwa ngabangani bakaSandile “Chillies” Bhengu, abathi bazokweba bashise izimoto ngaphambi komngcwabo wakhe.

Yize amaphoyisa ayekhuza abantu ngokuthi bangakhonzi ubugebengu nezinto ezifakwa ezinkundleni zokuxhumana kubonakala izigebengu zishaya izidudla ngezimoto zazo.

UBhengu, 36, wadutshulwa wabulawa ngesonto eledlule ngesikhathi ebanjwa ngamaphoyisa ekhipha i-tracker emotweni etshontshiwe.

OLUNYE UDABA:'Kuzokwebiwa' izimoto kuvaleliswa isigebengu esibulawe ngamaphoyisa

NgoLwesihlanu ebusuku, uLee Maharaj ukuqinisekisile ukwebiwa kweveni likamalume wakhe kanye neToyota Corolla yomngani wakhe eChatsworth ezitholakale zishisiwe eMlazi.

"Umalume wami ubepake emgwaqeni eSilverglen emini, wabuya ngemuva kwemizuzu engu-45 imoto yakhe ingasekho. Umngani wami yena uthi imoto yakhe ithathwe epake ePick n Pay eChatsworth. Zombili zotholakale eMlazi zingamalahle,” kusho uMaharaj.

#sabckzn Two cars were torched in Umlazi during the night vigil of Sandile Chillies Bhengu allegedly by a group of gang pic.twitter.com/yUz6Ci0MVo
— Nonkululeko Hlophe (@Leko3) September 9, 2017

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()