eThekwini - Isibutubutwana sentokazi elingisa emdlalweni oyintandokazi iRhythm City ikhulelwe kanti futhi izinyanga sezihambile impela.
Le ntokazi yakhipha izithombe zayo enkundleni yezokuxhumana u-Instagram lapho ebonakala khona enqunu kodwa ehlobe kahle ngokobuciko, ememezela ukuthi uzithwele.
Abantu abaningi bebezibuza ukuthi ngabe ngubani ubaba wengane njengoba le ntokazi ingavamile ukushutha nabesilisa.
OLUNYE UDABA: Lichashwa ngezinhlamba isoka lamanyala
USello Nhlapho osebenza njengomkhangisi wengqephu kubikwa ukuthi nguye okhulelise le ntokazi.
Kuthiwa lo mlisa usenesikhathi ethandana nale ntokazi njengoba zike zaputshuka izithombe zabo beseholidini lezithandani ngonyaka odlule kodwa babuye bazisusa ezinkundleni zokuxhumana.
UNhlapho akanawo amahloni okuveza izithombe zakhe nesithandwa senhliziyo yakhe, kanti indaba yothando lwabo ibonakala ngezingxoxo ezivela ezinkundleni zokuxhumana.