eGoli - UMphathi weKaizer Chiefs uBobby Motaung ukholwa wukuthi liqhakazile ikusasa likaSteve Komphela.
UMotaung usho lokhu njengoba kuqhubeka izingxoxo mayelana nenkontileka entsha kaKomphela
Inkontileka yalo mqeqeshi yeminyaka emithathu iyaphela ekupheleni kwale sizini, ngakhoke uselelwe yizinyanga ezimbalwa ukuba athole indondo yakhe yokuqala naleli qembu.
Umsebenzi wakhe kuleli qembu awubanga lula neze selokhu aqala ukuqeqesha, kukaningi egxekwa ngokuhluleka kwakhe ukuqoqa izindondo kanye nokuthenga abadlali abasezingeni.
OLUNYE UDABA:UMotaung uthi uKomphela ubenezwi ekusayinweni kwabadlali abasha
Abafana bakaSteve Komphela babukeka bedonsa kanzima kule minyaka ngaphansi kwesandla salo mqeqeshi owake wacija iMaritzburg United njengoba bengakaze bawine lutho.
IChiefs izobhekana nePolokwane City emdlalweni wayo olandelayo ozobe ubanjelwe e-FNB Stadium.