Publications
Partners
KwaZulu-Natal - Kube yintokozo yodwa ezinkundleni zokuxhumana ngesikhathi uNgqongqoshe wezeziMali uMalusi Gigaba ememezela ukunyuka kwesibonelelo sikahulumeni sezingane.
Yize iningi labantu lithokozile ngalokhu ngoba lithi kukhona imindeni ephila ngayo le mali futhi ukunyuka kwayo kusho ukuthi bazokwazi ukuphefumula ngoba ukudla sekuyabiza ezitolo, banye bakhala ngokuthi ukunyuswa kwale mali kuzokwandisa ubudedengu balabo abazoya ocansini olungaphephile ngoba bazi ukuthi uhulumeni ozobondlela izingane zabo.
Umuntu onezingane ezine uzothola imali engango-R1 600 ngenyanga nokungaba yimali engakwazi ukulekelela ekhaya kuthengwe ukudla.
OLUNYE UDABA:#BudgetSpeech2018: Zinyuke zonke izinhlobo zezibonelelo zikahulumeni
Lokhu akubathokozisanga kangako abantu abasebenzayo abakhala ngokuthi iyababulala intela.
"Ukwenyuka kwemali yeqolo kuyasibulala thina ngoba lokhu kusho ukukhula kwentela esikhokhaya kodwa iholo esilitholayo lisami ndawonye," kusho omunye ezinkundleni zokuxhumana.
Nansi imibono yabanye abantu:
Bengeke ngiyenyuse imali yeqolo ngingu Mr Gigaba bengzonyusa eyezaguga kakhulu ngoba izona ezigada izingane zethu ngoba onina bazogcwala emaTarven kuzodliwa lemali yabantwana njengenjwayelo #ezanamuhla @busie_mkhize
— Ncwane Phumlani @ Port-Shepstone (@NcwanePhumlani) February 22, 2018
Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.Madoda qaphelani ma imali yeqolo lokhu inyuka kanjena akekho usisi osazofuna I condom plz qaphelani liyabhubha ,vele abanye abasayifuni
— Sfutho kumalo enqutu (@sfutho_Khumalo) February 21, 2018
