UZwane ubonge abalandeli behlula iWits

Johannesburg - Umdlali wasesiwini weMamelodi Sundowns uThemba Zwane ubonga abalandeli ngemuva kokuwina bedlala neBidvest Wits.

AmaBrazilian ehlule iWits ngo-2-0 emdlalweni obungoMgqibelo ebusuku nokusho ukuthi aseshiya i-Orlando Pirates, esendaweni yesibili, ngamaphuzu ayisithupha.

UZwane uvalele phakathi igoli lokuqala kulo mdlalo, waphinde waqokwa njengomdlali ovelele.

OLUNYE UDABA: Uncoma indlela abadlale ngayo ngisho behlulekile ukuwina

“Indlela esixhumana ngayo isebenza kahle selokhu kuqale isizini, siyazana kusukela ejimini. Ngicabanga ukuthi sidlala kahle njengeqembu,” kusho uZwane kwi-SuperSport TV.

“Abalandeli bethu bahlale njalo besikhuthaza ngisho sihlulwa, futhi siyakubonga kakhulu lokho.

“Kube umdlalo omnandi, ngithanda nokubonga ozakwethu ngokungisiza ngishaye igoli.”