.
.
Terwyl die 72ste uur van die soektog na slagoffers Donderdag verbygekruip het op die toneel waar ’n woonstelblok in George inmekaar getuimel het, het dit geblyk die eienaar van die rampgebou is skoonveld.
Thulas Nxesi, minister van arbeid, het die terrein besoek en gesê die inspektoraat van die Wes-Kaap het nog nie met die eienaar van die woonstelblok vergader nie. “Ons weet nie waar hulle is nie,” het hy gesê.
Volgens David Esau, hoofinspekteur van die departement van arbeid in die Wes-Kaap, was daar geen antwoord by die adres van die eienaar nie.
