.
.
’n Driedubbele kostestyging vir kantoorspasie, ’n huurkontrak wat oënskynlik nie met die regmatige eienaar onderteken is nie, en die aardige bykomende R23 miljoen wat die inrigting van dié werksplek die staatskas toe uiteindelik gekos het.
Dit is van die beweerde ongerymdhede met die Nasionale Finansiële Hulpskema vir Studente (NSFAS) se intrek in die Halyard-gebou, een van die imposante wolkekrabbers in Kaapstad se ontluikende hawegebied.
Van 2017 tot 2022 het die NSFAS eers kantoorspasie van 3 883 m² in Wynberg, ’n suidelike voorstad van Kaapstad, teen sowat R600 000 per maand gehuur.
