Adj.pres. Paul Mashatile se seuns Thabiso Mashatile (31) en Tinyiko Mvelase (31) het binne drie maande drie staatstenders by die Gautengse departement van infrastruktuurontwikkeling losgeslaan.
Die kontrakte aan Ngwato and Manzi Group, waarvan die seuns direkteure en Thabiso die projekbestuurder is, is vir ’n driejaartermyn toegeken en verstryk eers in 2025.
Twee van die tenders is in Maart 2022 aan ’n paneel verskaffers, wat Ngwato and Manzi Group insluit, toegeken en die derde kontrak in Junie 2022. Met so ’n tender word die kontrakteurs ingeroep en betaal wanneer die werk gedoen word.