Die ontplooiing van soldate om die polisie te help om Eskom se kragstasies te beskerm en zama-zamas vas te trek, is weer verleng.
Die verlenging van die sowat 3 000 soldate se ontplooiing sal belastingbetalers meer as R500 miljoen kos.
Pres. Cyril Ramaphosa het in ’n brief gedateer 15 Mei aan Lechesa Tsenoli, waarnemende speaker van die Nasionale Vergadering (NV), geskryf dat hy die ontplooiing van 746 soldate van die Suid-Afrikaanse Nasionale Weermag (SANW) verleng het om saam met die polisie misdaad te bestry en die orde en reg by Eskom-kragstasies te handhaaf.