Vrystaters en Noord-Kapenaars kon Vrydag meer leer oor hoe om veldbrande te bestry op ’n ekspo wat by die Be Human-gasteplaas buite Bloemfontein gehou is.
Werk met Vuur en sy Kishugu-span (die lugsteunspan) het saam met onder meer sambreel-brandbeskermingsverenigings van die Vrystaat en die Noord-Kaap leersame vertonings gehou.
Michael Mokoena, woordvoerder van die departement bosbou, visserye en omgewingsake, sê die ekspo het staatsamptenare, brandbestrydingsverenigings, grondeienaars, boere en akademici, asook veldbrand-kundiges van die Vrystaat en die Noord-Kaap byeengebring met die doel om bewusmaking te verbeter en proaktiewe veldbrand-risikobestuur te bevorder.