Robert F. Kennedy jr., die onafhanklike Amerikaanse presidentskandidaat, het luidens ou berigte wat uitgesnuffel is meer as ’n dekade gelede ’n parasiet in sy brein gehad.
The New York Times berig dat hy in 2012 in ’n eedsverklaring voor die hof tydens sy egskeiding gesê het ’n parasitiese wurm het “ ’n gedeelte van sy brein opgevreet en moontlik kognitiewe probleme veroorsaak”.
Kennedy is ’n omgewingsprokureur en die seun van senator Robert. F. Kennedy, wat in 1968 in ’n sluipmoordaanval tydens sy presidentsveldtog dood is.