.
.
Huldeblyke het Vrydag ingestroom nadat die eerste swart vrou wat as regter in die konstitusionele hof aangestel is, Donderdagmiddag in Johannesburg oorlede is.
Luidens ’n verklaring is regter Yvonne Mokgoro (73), ’n voormalige regter van die konstitusionele hof, omring deur familie, in die Evergreen Lifestyle-aftreeoord in Broadacres oorlede.
Mokgoro, ’n boorling van Galeshewe in Kimberley, was in April verlede jaar op die pad tussen Warrenton en Kimberley in ’n ongeluk met ’n vragmotor betrokke, wat verskeie gesondheidsterugslae veroorsaak het, lui die verklaring. Sy was ’n passasier in die voertuig en het nooit volkome ná die ongeluk herstel nie.
