Die DA het weens aanhoudende rioolstortings strafregtelike klagte teen die Musina-munisipaliteit en die Vhembe-distriksmunisipaliteit in Limpopo ingedien.
Lindy Wilson, DA-leier in Limpopo en LPW, sê die strafregtelike klagte is by die Musina-polisiekantoor ingedien ná herhaaldelike klagtes wat by onderskeidelik die Musina-munisipaliteit en die Vhembe-distriksmunisipaliteit aanhangig gemaak is oor rou rioolvuil in Musina se strate.
“Die rioolstelsel in Musina is al vir jare onder groot druk. Byna daagliks vloei rou rioolvuil van die dorp af in die Limpoporivier,” sê Wilson.