.
.
Dit is belaglik dat die Nasionale Raad van Provinsies (NRP) die Wetsontwerp op Klimaatsverandering en die Wetsontwerp op die Ontwikkeling van Stroomop-petroleumhulpbronne (UPRDA) op een dag aanvaar het.
Dit is “byna skisofrenies” dat die parlement twee wetsontwerpe, wat mekaar byna regstreeks weerspreek op dieselfde dag verlede week kon aanvaar, sê Liz McDaid, strategiehoof van die omgewingsgroepering The Green Connection.
Die Wetsontwerp op Klimaatsverandering plaas nou formele strukture en stelsels in plek vir die presidensiële klimaatsveranderingskommissie en bepaal dat elke departement voortaan sal moet bekend maak wat hy gaan doen om klimaatsverandering teen te werk.
