’n Alternatiewe model vir swart ekonomiese bemagtiging (SEB), met ’n koeponstelsel vir onderwys, behuising en gesondheidsorg, belonings aan sakeondernemings wat ekonomies vorder en nierassigheid aan die kern daarvan het, is Donderdag bekend gestel.
Die Instituut vir Rasseverhoudinge (IRV) het dié alternatief vir SEB ontwikkel wat bekend staan as die ekonomiese bemagtiging van agtergeblewenes (EED).
Dr. Anthea Jeffery, hoof van beleidsnavorsing by die IRV, het besonderhede van die model op ’n webinaar verskaf. Sy sê as Suid-Afrika elke jaar ’n 7%-groeikoers kan behaal, kan die ekonomie in grootte verdubbel.