Verskeie mense, vermoedelik konstruksiewerkers, moes Maandagmiddag gered word nadat ’n woonstelblok wat in aanbou is in George ineengestort het.
Mense is vermoedelik onder die puin vasgekeer. Die gebou is in Victoriastraat geleë en die voorval het Maandag om 14:09 gebeur.
“Nooddienste is op die toneel en verskeie ambulanse gaan toegang tot die gebied moet kry omdat daar verskeie pasiënte is,” lui ’n verklaring van die George-munisipaliteit Maandag.