.
.
“Dit is wreed dat ’n jong seun só moet sterf,” sê Madelein Grové van Bellville nadat haar 21-jarige kind “in twee geskeur” is toe hy glo beheer oor sy motorfiets verloor en ’n boom getref het.
Daniël Grové, Madelein se tweede oudste kind, was Donderdag na sy woonstel in Loevenstein op pad toe die voorval omstreeks 16:00 in Carl Cronje-rylaan gebeur het.
Madelein sê sy het op pad huis toe ’n oproep van haar oudste seun ontvang, wat met ’n “bekommerde stem” gesê het: “Ek moet Ma iets vertel, maar ek sal wag totdat Ma by die huis is.”
