Toe hy die woorde “Deon, hier kom hy” hoor, het hy geweet sy seun het lewend onder die puin uitgekom.
So het Deon Safers van Mosselbaai Woensdagmiddag vertel oor sy elektrisiën-seun, Delvin (29), se redding nadat hy vir meer as 25 uur lank onder die puin vasgekeer was toe ’n woonstelblok in Victoriastraat, George, Maandagmiddag ineengestort het.
Delvin is Dinsdagmiddag uit die puin gered. “Dis ’n wonderwerk, regtig,” sê Safers. “Ek het na daai hoop puin gekyk en gedink niemand gaan lewend daar uitkom nie.”