.
.
’n Duitse burger, wat in Gauteng in hegtenis geneem is op aanklagte van mensehandel en bedrog, is steeds agter tralies nadat hy Vrydag in die hof verskyn het.
Joachim Will (56) is Dinsdag in hegtenis geneem in ’n gesamentlike operasie waaraan die Wes-Randse Valke se ondersoekspan na ernstige georganiseerde misdaad, Interpol, misdaadintelligensie en die Gautengse grenspolisiëring deelgeneem het.
Die Valke het in ’n verklaring gesê twee vroue van onderskeidelik 32 en 29 jaar oud van Madagaskar was saam met hom. Hulle is gekeer voordat hulle op die O.R. Tambo-lughawe op ’n vlug na Kroasië kom klim. By nader ondersoek het dit geblyk dat hulle glo vals Italiaanse paspoorte gehad het.
