Die name van die drie mense wat Vrydag in ’n vliegongeluk in Namibië dood is, is bekend gemaak.
Die Westair AF 406-vliegtuig het op ’n instandhoudingstoetsvlug van die Eros-lughawe in Windhoek opgestyg toe dit kort daarna in die woonbuurt Pioneers Park neergestort en aan die brand geslaan het. ’n Voertuig wat daar naby geparkeer was, het ook gebrand.
“Dis met hartseer dat ons by Westair Aviation die tragiese voorval Vrydag naby die Eros-lughawe bekend maak,” het die maatskappy Saterdag op sy Facebook-blad geskryf.