’n Israeliese amptenaar het Maandagaand ontken dat daar op ’n skietstaking in die Gasastrook ooreengekom is nadat Hamas kort tevore gesê het hy het ’n ooreenkoms van Egiptiese en Katarse bemiddelaars aanvaar.
Die Israeliese amptenaar het gesê die ooreenkoms wat Hamas aanvaar het, was ’n “verwaterde” weergawe van ’n voorstel wat Egipte gedoen het wat “verreikende” gevolge insluit wat Israel nie kan aanvaar nie.
“Dit lyk na ’n manier om dit te laat voorkom asof Israel ’n ooreenkoms weier,” het die amptenaar op voorwaarde van anonimiteit gesê.