.
.
Mexikaanse owerhede het Sondag bevestig die Amerikaner en twee Australiese toeriste wat verlede week in die noorde van die land vermis geraak het, is dood, nadat hul ouers hul lyke uitgeken het.
Die lyke van die Australiese broers Callum (33) en Jake Robinson (30), en die Amerikaner Jack Carter Rhoad (30) is vroeër die week op die bodem van ’n put in die staat Baja California gevind nadat hulle op 27 April vermis geraak het.
Al drie is in die kop geskiet en die vermoede is hulle het hulle teengesit toe rowers hul motor gekaap het.
