Vir baie mense is die minibustaxi’s, wat meestal hul eie padreëls volg en sommer ander voertuie gedurende spitsverkeer in die noodbaan verbysteek, ’n groot frustrasie, maar vir een man is hulle ’n inspirasie.
JA Freckleton, ’n renjaer verbonde aan die Ellisras-ovaalbaan, het mense op die Snoek-en-patat-kampioenskappe buite Saldanhabaai al die hele naweek aan die praat oor sy blitsige minibus, oftewel “Die regte taxi”, soos hy nou al bekend is.
Kinders het op ’n streep by hom kom staan en gevra of hulle ook maar in die taxi kan ry.