.
.
Duisende pas afgestudeerde jong mense het die afgelope paar maande met trots hul grade by verskeie tersiêre instellings verwerf, met die indruk dat dié kwalifikasie die goue paspoort tot werk is.
Statistieke Suid-Afrika (SSA) se jongste indiensnemingspeiling skets egter ’n ander prentjie, met byna 10% van afgestudeerdes wat ná hul studies sonder werk sit – ondanks hul graad.
Die Raad vir Geesteswetenskaplike Navorsing (RGN) het in die lig van Werkersdag gesê pas afgestudeerde mense sukkel om ná hul studies werk te kry hoofsaaklik omdat daar ’n kloof tussen die student se opvoedkundige agtergrond en die arbeidsmark se verwagting is.
