.
.
Die omstrede wetsontwerp wat die regering in plaas van skoolbeheerliggame die finale sê oor openbare skole se taal- en toelatingsbeleid gee, is sterk op pad om in sy huidige vorm wet te word.
Dit kom nadat agt van Suid-Afrika se nege provinsies aangedui het dat hulle die finaal gewysigde Wysigingswetsontwerp op Basiese Onderwyswette (Bela) ondersteun.
LP’s in die Nasionale Raad van Provinsies se gekose komitee oor onderwys en tegnologieë, sport, kuns en kultuur het dit Donderdagoggend gehoor toe al nege provinsiale wetgewers hul finale mandate oor die wetsontwerp bekend gemaak het.
