.
.
Pres. Cyril Ramaphosa stem saam met oudpres. Thabo Mbeki dat Suid-Afrika ’n nasionale dialoog moet hou om die uitdagings wat die land in die gesig staar saam aan te pak.
Mbeki het Dinsdag by Vryheidspark in Pretoria, waar hy ’n ontleding oor die afgelope 30 jaar van demokrasie gegee het, gesê die land moet ’n inklusiewe nasionale dialoog hou om die skade wat aangerig is te oorkom en te bou aan die land se toekoms.
Ramaphosa het Dinsdagaand by ’n gala-dinee van die Black Business Council (BBC) by die Radisson Blu-hotel in Kempton Park gesê hy ondersteun Mbeki se voorstel.
