Een van die bekendste en veelsydigste joernaliste in Suid-Afrika, Eben Human (74), is Donderdagoggend dood kort nadat hy gaan swem het.
Human het van 1975 tot 2015 by Die Burger gewerk as onder meer sportjoernalis, en later as redakteur van BuiteBurger. Ná sy aftrede in 2015 het Human hom veral toegespits op reis- en natuurfotografie.
Volgens sy suster, Hanna Joubert, het Human Donderdagoggend soos gewoonlik sy daaglikse lengtes in die Seepuntse swembad geswem. Nadat hy uitgeklim het, het hy op ’n bankie gesit toe hy skielik vooroor val.