Die naels is uit tussen Tammy Taylor en Peet en Mel Viljoen oor handelsnaamregte.
In ’n plofbare video wat Taylor, van Amerika, Woensdag op Instagram geplaas het, beskuldig sy Peet en Mel daarvan dat hulle haar identiteit gesteel het om met hul eie, plaaslike Tammy Taylor-onderneming handel te dryf.
“Melany (Mel) en Peet Viljoen van Suid-Afrika het my identiteit gesteel. Ek is Tammy Taylor, die uitvoerende hoof en stigter van Tammy Taylor Nails sedert 1983. Hulle gebruik onwettiglik my naam om franchises te verkoop, en hulle vervals en verkoop my produkte. Hulle het my handtekening vervals op dokumente en vele meer.