.
.
27 April 1994 was ’n oorwinning vir Suid-Afrika. Op hierdie dag is die waardigheid van alle Suid-Afrikaners herstel, het pres. Cyril Ramaphosa Saterdag op Vryheidsdag by die Uniegebou in Pretoria gesê.
“27 April 1994 was ’n oorwinning vir nierassigheid, nie-seksisme, vir menswaardigheid en vooruitgang. Nie net in Suid-Afrika nie, maar oral. Dit was ’n oorwinning vir versoening. Die demokratiese deurbraak het net soveel gegaan oor die bevryding van swart Suid-Afrikaners van apartheid as om wit Suid-Afrikaners van hul vooroordeel en vrees te bevry.”
Hy sê presies 30 jaar gelede op dié dag het die vryheidsklokke oor die land heen gelui in elke stad, dorp en op die platteland.
