Passasiers ‘langer as 24 uur op skip gestrand’ in Kaapstad-hawe

Passasiers op die MSC Splendida-plesierboot wat Woensdag uit die Kaapstad-hawe vertrek het, sê hul bootreis het op ’n nagmerrie-noot begin omdat hulle eers langer as 24 uur op die skip gestrand was voordat dit uiteindelik vertrek het.

Die skip het Dinsdag vanaf Namibië in die Kaapstad-hawe aangekom en sou weer daarheen onderweg wees.

Volgens die passasiers moes die boot dieselfde dag (Dinsdag) weer vertrek. Sterk wind is aangevoer as verskoning vir waarom die skip nie die hawe kon verlaat nie.