.
.
Oudpres. Jacob Zuma het wéér ’n bloutjie in die hof geloop toe die appèlhof in Bloemfontein sy jongste appèlaansoek in die private vervolging van adv. Billy Downer SC en die News24-joernalis Karyn Maughan verwerp het.
In dié aansoek het die 81-jarige Zuma die appèlhof gevra om die hooggeregshof in Pietermaritzburg se weiering van sy aansoek om verlof tot appèl te heroorweeg.
Zuma wil appelleer teen die hooggeregshof se uitspraak wat sy private vervolging van Maughan en Downer ongeldig verklaar het.
