“Die leemte wat hy laat, is onmoontlik om te oorkom.”
So skryf Reuter Sorour (58), pa van die vermoorde Evan Sorour (28), in ’n slagoffer-impakverslag wat Donderdag by die rondgaande hof in Ficksburg in die Vrystaat ingedien is ter verswaring van Rudi Gericke (39) se vonnis.
Gericke word Vrydag gevonnis. Hy is op 23 Februarie skuldig bevind aan Evan se moord en aan die aanranding van Reuter met die doel om ernstig te beseer.