Die bedrogsaak oor geld wat na bewering deur die Mangaung-metro uitbetaal is aan ’n maatskappy vir werk wat nie gedoen is nie, is Donderdag in die hooggeregshof in Bloemfontein tot 6 Julie uitgestel.
Dit hou verband met ’n kontrak wat aan die Bloemfonteinse maatskappy Maine Management & Chartered Accountants (Edms.) Bpk. toegeken is om ’n oudit te doen van die metro se register van armlastiges wat vir voordele kwalifiseer. R4,2 miljoen is na bewering aan Maine betaal vir werk wat nie gedoen is nie.
Netwerk24 het voorheen berig dat die register volgens beleid elke drie maande bygewerk moet word.