.
.
’n Man van Brandfort in die Vrystaat wat deur ’n polisieman van kriminele laster beskuldig is nadat hy die polisie se optrede in ’n TikTok-video gekritiseer het, gaan nie vervolg word nie.
Louis van Schalkwyk (26) het toe nie Woensdag nodig gehad om in die landdroshof in Brandfort te verskyn nie, nadat die staat die saak uitgegooi het en nie op die hofrol geplaas het nie.
Konst. Lucas Mahlelehlele van die Brandfort-polisiekantoor het die klag teen Van Schalkwyk aanhangig gemaak nadat die video op 14 Maart op sosiale media geplaas is.
